மாநகரம் திரைப்படத்தின் ரீமேக்கில் நடிகர் விஜய் சேதுபதி ! எந்த கதாபத்திரத்தில் நடிக்கின்றார் தெரியுமா?
இயக்குனர் லோகேஷ் கனகராஜ் இயக்கத்தில் கடந்த 2017 ஆம் ஆண்டு வெளியான திரைப்படம் தான் மாநகரம், இப்படம் வெளியாகி ரசிகர்களிடையே பெரிய வரவேற்பை பெற்றது.
மேலும் இப்படத்தை பாலிவுட்டில் சந்தோஷ் சிவன் இயக்கத்தில் ரீமேக் செய்து வருகின்றனர். இப்படத்தில் பிரபல நட்சத்திரங்களுடன் நடிகர் விஜய் சேதுபதியும் நடித்து வருகிறார்.
இந்நிலையில் தற்போது அவர் நடிக்கும் கதாபாத்திரம் குறித்த போட்டோ ஒன்று வெளியாகியுள்ளது. ஆம், அதில் கையில் துப்பாக்கி வைத்து கொண்டு சிறுவனுடன் விஜய் சேதுபதி நிற்கின்றார்.
இதை வைத்து பார்க்கும் போது மாநகரம் படத்தில் நடிகர் முனீஸ்காந்த் நடித்த கதாபாத்திரத்தில் தான் நடிகர் விஜய் சேதுபதி நடித்துள்ளார் என தெரியவந்துள்ளது.
அதுமட்டுமின்றி விஜய் சேதுபதி நடிப்பில் மாஸ்டர் படம் பிளாக் பஸ்டர் ஆகியுள்ள நிலையில் லாபம், துக்லக் தர்பார், யாதும் ஒரே யாவரும் கேளிர், மாமனிதன் உள்ளிட்ட பல திரைப்படங்கள் தொடர்ந்து வெளியாகவுள்ளது.