இது தான் கடைசி.. மனமுடைந்து மணிமேகலை வெளியிட்ட கடைசி வீடியோ.. ரசிகர்கள் ஷாக்
தமிழ் சின்னத்திரையில் பிரபல தொகுப்பாளராக வலம் வரும் மணிமேகலை, தனது திறமையாலும், தனித்துவமான பாணியாலும் ரசிகர்களை கவர்ந்தவர். சன் மியூசிக் தொலைக்காட்சியில் தனது பயணத்தை தொடங்கிய இவர், திருமணத்திற்குப் பின்னர் விஜய் தொலைக்காட்சியில் இணைந்தார்.
அங்கு ‘குக் வித் கோமாளி’ நிகழ்ச்சியில் கோமாளியாக கலக்கிய மணிமேகலை, பின்னர் அதே நிகழ்ச்சியில் தொகுப்பாளராகவும் பணியாற்றினார். ஆனால், அந்நிகழ்ச்சியில் தனக்கு உரிய அங்கீகாரம் கிடைக்கவில்லை எனக் கருதி, விஜய் தொலைக்காட்சியை விட்டு வெளியேறினார்.
இந்த முடிவு அவரது ரசிகர்களிடையே பெரும் விவாதத்தை ஏற்படுத்தியது.இதனைத் தொடர்ந்து, ஜீ தமிழ் தொலைக்காட்சியில் ‘டான்ஸ் ஜோடி டான்ஸ் ரீலோடட் 3’ நிகழ்ச்சியில் தொகுப்பாளராக இணைந்தார் மணிமேகலை.
இந்நிகழ்ச்சியில் விஜயுடன் இணைந்து தனது துடிப்பான பாணியால் மக்களை மகிழ்வித்தார். இந்நிலையில், இந்த பிரம்மாண்ட நடன நிகழ்ச்சி முடிவுக்கு வந்துள்ளது.
இதனையொட்டி, நிகழ்ச்சியின் கடைசி நாளை முன்னிட்டு மணிமேகலை வெளியிட்ட உணர்ச்சிமிகு வீடியோ இணையத்தில் வைரலாகி வருகிறது. இந்த வீடியோவில், நிகழ்ச்சியுடனான தனது பயணத்தையும், அதில் பெற்ற அனுபவங்களையும் உருக்கமாக பகிர்ந்துள்ளார்.
மணிமேகலையின் இந்த வீடியோ, ரசிகர்களிடையே ஆதரவையும், பாராட்டுகளையும் பெற்று வருகிறது.
‘குக் வித் கோமாளி’ நிகழ்ச்சியில் பிரியங்காவுடன் ஏற்பட்ட கருத்து வேறுபாடு காரணமாக விஜய் தொலைக்காட்சியை விட்டு வெளியேறியதாக கூறப்பட்டாலும், ஜீ தமிழில் அவர் பெற்ற வரவேற்பு அவரது திறமையை மீண்டும் நிரூபித்துள்ளது.
இனி அவர் எந்த தொலைக்காட்சியில் களமிறங்குவார் என்பது குறித்து ரசிகர்கள் ஆவலுடன் எதிர்பார்க்கின்றனர்.
