ஐட்டம் பாடலுக்கு டான்ஸ் ஆடிய விஜய் சேதுபதி பட நாயகி..!
விஜய் சேதுபதி உட்பட பல பிரபலங்கள் உடன் நடித்த நடிகை ஐட்டம் பாடலுக்கு நடனமாடிய வீடியோ வெளியாகி இணையதளங்களில் வைரல் ஆகி வருகிறது.
பிரபல குத்துச்சண்டை வீராங்கனையான ரித்திகா சிங் ’இறுதிச்சுற்று’ என்ற திரைப்படத்தின் மூலம் தமிழ் திரையுலகில் அறிமுகமானார். இதனை அடுத்து அவர் விஜய் சேதுபதியின் ’ஆண்டவன் கட்டளை’ ராகவா லாரன்ஸ் நடித்த ‘ஷிவலிங்கா’ அசோக் செல்வனின் ’ஓ மை கடவுளை’ ஆகிய திரைப்படங்களில் நடித்தார். சமீபத்தில் விஜய் ஆண்டனியுடன் வெளியான ‘கொலை’ படத்தில் நாயகியாக நடித்திருந்தார் என்பது குறிப்பிடத்தக்கது.
இந்த நிலையில் துல்கர் சல்மான் நடிப்பில் உருவாகி வரும் ’கிங் ஆப் கோதா’ என்ற படத்தின் தமிழ் பதிப்பு ’கலாட்டாகாரன்’ என்ற படத்தில் இடம்பெற்ற ஒரு ஐட்டம் பாடல் சமீபத்தில் வெளியான நிலையில் அதில் துல்கர் சல்மானுடன் இணைந்து ரித்திகா சிங் ஆடி உள்ளார் என்பது குறிப்பிடத்தக்கது.
துல்கர் சல்மான், ஐஸ்வர்யா லட்சுமி, டான்சிங் ரோஸ் சபீர், பிரசன்னா, அனிகா சுரேந்திரன் உள்பட பலர் நடிப்பில் உருவாகிய இந்த படத்தை அபிலாஷ் ஜோஸ்லே என்பவர் இயக்கியுள்ளார்.
