ரூ.190 கோடிக்கு பங்களா வாங்கிய லெஜெண்ட் பட நடிகை..!
ஊர்வசி ரவுடேலா, தனது அழகு மற்றும் பேஷன் சென்ஸுக்கு பெயர் பெற்ற பாலிவுட் நடிகை. தனது சமீபத்திய சாதனையால் ரசிகர்கள் மத்தியில் பேசுபொருளாக மாறியிருக்கிறார்.
சமீபத்தில், அவர் தனது ஆடம்பரமான புதிய வீட்டால் தலைப்புச் செய்தியாக மாறியிருக்கிறார். இது அவரது ரசிகர்களை பிரமிக்க வைத்துள்ளது. யாஷ் சோப்ராவின் வீட்டிற்குப் பக்கத்தில் ஒரு ஆடம்பரமான பங்களாவை வாங்கியுள்ளார் ஊர்வசி. இதன் மதிப்பு 190 கோடி ரூபாய் எனக் கூறப்படுகிறது. மும்பையின் மையத்தில் அமைந்துள்ள இந்த அற்புதமான பங்களாவில் நான்கு தளங்கள் உள்ளன.
பாலிவுட்டின் அறிக்கைகளின்படி, ஊர்வசியின் வீடு ஆடம்பரத்திற்கு குறைவில்லை. அதில் ஆடம்பரமான தோட்டம், தனிப்பட்ட உடற்பயிற்சிக் கூடம் மற்றும் அழகான உட்புற டிசைன்களுடன் கூடிய முழுமையான இந்த பங்களா, இணையற்ற வசதியைக் கொண்டுள்ளது. ஊர்வசி ரவுடேலா கடந்த காலங்களில் புதிய பங்களா ஒன்றை தேடி வந்திருக்கிறார். குறைந்தது எட்டு அல்லது ஒன்பது மாதங்களாவது பொருத்தமான வீட்டை தீவிரமாக தேடிக்கொண்டிருந்தார்.
லோகண்ட்வாலா பகுதியில் உள்ள பங்களாவை பரிசீலித்த ஊர்வசி ரவுடேலா, இறுதியில் அதில் குடியேற வேண்டாம் என்று முடிவு செய்தார். அதற்குப் பதிலாக, மும்பையின் பிரபலமான சுற்றுப்புறமான ஜூஹு ஸ்கீமில் தனது புதிய வீட்டைக் கண்டுபிடித்துள்ளார்.
ஏறக்குறைய 2 முதல் 3 மாதங்கள் அந்த பங்களாவில் தங்கினாலும், ஊர்வசி தனது புதிய குடியிருப்பைப் பற்றிய விஷயங்களை ரகசியமாக வைத்திருக்கிறார். அந்த பங்களா நன்கு பராமரிக்கப்பட்டு நல்ல நிலையில் இருப்பதாகக் கூறப்படுகிறது. இதற்கிடையே ராம் பொத்தினேனியின் மிகவும் எதிர்பார்க்கப்பட்ட அடுத்த படத்தில் ஒரு சிறப்பு பாடலில் நடனமாட ஊர்வசி ஒப்பந்தமாகியுள்ளார். அதோடு தில் ஹை கிரே மற்றும் பிளாக் ரோஸ் ஆகிய இரண்டு படங்களையும் கைவசம் வைத்துள்ளார். தவிர இவர் தமிழில் லெஜெண்ட் படத்தில் நடித்திருந்தது குறிப்பிடத்தக்கது.
