காஞ்சனா 4-ல் லேடி சூப்பர்ஸ்டார்.. ராகவா லாரன்ஸ், பூஜா, நோரா ஃபதேகியுடன் இணையும் உச்ச நட்சத்திரம்?
காஞ்சனா 4
தமிழ் சினிமாவில் ஒரு சூப்பர்ஹிட் திரைப்படத்தின் இரண்டாம் பாகம் வெளியாகிறது என்றால், அது பல நேரங்களில் தோல்வியையே மட்டுமே தழுவியுள்ளது. ஆனால், காஞ்சனா சீரிஸில் வெளிவந்த திரைப்படங்கள் மட்டுமே தொடர்ந்து ஒவ்வொரு பாகமும் மாபெரும் வெற்றி பெற்று வருகின்றன.
ராகவா லாரன்ஸ் இயக்கி ஹீரோவாக நடித்து வரும் இந்த காஞ்சனா சீரிஸில் அடுத்ததாக 4வது பாகம் வெளிவரவிருக்கிறது. இப்படத்தில் ராகவா லாரன்ஸுடன் இணைந்து பூஜா ஹெக்டே மற்றும் பாலிவுட் நடிகை நோரா ஃபதேகி நடித்து வருகின்றனர்.
இணையும் உச்ச நட்சத்திரம்
இப்படத்தின் படப்பிடிப்பு நடைபெற்று வரும் நிலையில், ஒரு ஸ்பெஷல் அப்டேட் தற்போது வெளியாகியுள்ளது. அது என்னவென்றால், காஞ்சனா 4 திரைப்படத்தில் நடிகை நயன்தாரா முக்கிய வேடத்தில் நடிப்பதாக தகவல் வெளியாகியுள்ளது. அவர் இப்படத்தின் பிளாஷ்பேக் காட்சியில் நடிக்கிறார் என கூறப்படுகிறது.
ஆனால், நயன்தாரா காஞ்சனா 4 திரைப்படத்தில் பிளாஷ்பேக் காட்சியில் நடிப்பதாக வந்துள்ள செய்தி அதிகாரப்பூர்வமானது அல்ல என்பது குறிப்பிடத்தக்கது.
