50 நாட்களில் 14 கிலோ எடை குறைத்தது எப்படி - அறந்தாங்கி நிஷாவின் ரகசியம்

சின்னதிரை வெள்ளிதிரை மற்றும் யூடிப் களில் மக்கள் மத்தியில் மிகவும் பிரபலமான அறந்தாங்கி நிஷா 50 நாளில் 14 கிலோ எடை குறைத்துள்ளார்.

பிரபல தொலைக்காட்சியின் பெண் தொகுப்பாளினி மற்றும் நகைச்சுவை நடிகை அறந்தாங்கி நிஷா, பட்டிமன்றங்கள், மேடைப் பேச்சுகளின் மூலம் ஏகப்பட்ட ரசிகர்களை சம்பாதித்து உள்ளார். 

இது தவிர பிக்பாஸ் 4வது சீசனில் போட்டியாளராக கலந்துகொண்டார். சினிமா பக்கம் பார்த்தால் ஜெயிலர், கோலமாவு கோகிலா 2, திருச்சிற்றம்பலம், ராயன், சீமராஜா போன்ற படங்களில் சிறிய கதாபாத்திரங்களில் நடித்துள்ளார். 

தொடர்ந்து சின்னத்திரை தொடர்களிலும் நடித்து வருவதுடன் டிவி நிகழ்ச்சிகளிலும் கலந்துகொள்கிறார். என்ன தான் சின்னத்திரை, வெள்ளித்திரையில் நிஷா பிரபலமாக இருந்தாலும் இணையவாசிகள் மத்தியில் அறந்தாங்கி நிஷா என்றால் தெரியாதவர்கள் யாரும் இல்லை.

இப்படி ரசிகர்களை சம்பாதித்து பிரபலமாக இருக்கும் அறந்தாங்கி நிஷா குறுகிய இடைவெளியில் தனது எடையையும் குறைத்துள்ளார். 

இதை அவரது இன்ஸ்டாகிராம் பதிவில் பகிர்ந்துள்ளார். இவர் மொத்தமாக குறைத்த எடை 50 நாட்களில் 14 கிலோ வரை என குறிப்பிட்டுள்ளார். 

இதை எப்படி அவர் செய்தார் என்பதை மேடை பேச்சு ஒன்றில் குறிப்பிட்டு உள்ளார். 

“எடையை குறைக்க நான் பட்ட கஷ்டம் எனக்குத்தான் தெரியும். சமூக வலைத்தளங்களில் ‘இதை குடிங்க, அதை குடிங்க’ என என்னவெல்லாமோ சொல்வார்கள். அதையெல்லாம் தயவுசெய்து கேட்காதீர்கள்.

ஏனெனில் நான் அந்த தவறுகளையெல்லாம் செய்தேன். தேன், வெந்நீர், எலுமிச்சை சாறு கலந்து தினமும் காலை வெறும் வயிற்றில் குடித்தால் எடை குறையும் என்றார்கள்.

செய்தேன் ஆசிட், பால்டாயிலை தவிர எல்லாவற்றையும் இந்தப் பட்டியலில் சொல்வார்கள். ஆனால் எதுவுமே எனக்கு பலனளிக்கவில்லை”

தினமும் வாக்கிங் சென்றபோதும், 2 கிராம் அளவில்தான் எனக்கு எடை குறைந்தது. இதேபோல மொட்டைமாடியில் 8 போல நடந்தாலும், எடை குறையும் என்றார்கள் சிலர். அதையும் செய்தேன். ஆனாலும் பலன் இல்லை”

“சப்பாத்தி சாப்பிட்டால் எடை குறையும் என்று எனக்கு என் நண்பரொருவர் சொன்னார். அதையும் கேட்டேன் வெள்ளை சோறு சாப்பிட கூடாதுனு சொன்னார்கள்

நான் அதையும் செய்தேன். ஆனால் வெள்ளை உணவுப் பொருட்களை தவிர்த்த பின்னர், மயக்கம் வந்ததுதான் மிச்சம். எடை குறைப்பிற்காக அதையும் பொறுத்துக் கொண்டேன்”  அப்போ எப்படி தான் நிஷா உடல் எடையை குறைந்நதார் என எல்லோருக்கும் கேள்வி இருக்கும்.

அதற்கு அவர் கூறிய ஒரே ஒரு விடயம் வீட்டில் சமைத்ததை சாப்பிட்டு சீரான உணவு முறை கடைபிடித்து இருங்கள். அப்படி இருந்தாலே உடல் எடை தானாக கட்டுப்பாட்டில் இருக்கும் என்றார். 

நிஷா கடந்த சில மாதங்களாக ஆரோக்கியமான உணவுகளை உட்கொண்டு, அதன்மூலம் தான் உடல் எடை குறைத்ததாக அந்த பேட்டியில் தெரிவித்தார். 

எனவே உணவுமுறை மூலமாகவே அவர் எடை குறைத்திருக்கிறார். அவர் ஆரோக்கியமான உணவுகளை உட்கொண்டே எடை குறைத்துள்ளார் நிஷா.