''எனக்கு கணவர் இல்லை. நான் சிங்கிள். '' - பீட்டர்பால் மரணம் குறித்து மனம் திறந்த வனிதா
நடிகை வனிதா மூன்றாவதாக பீட்டர் பால் என்பவரை திருமணம் செய்து கொண்டதாக கூறப்பட்டது.
இதனை தொடர்ந்து பீட்டர் பாலின் மனைவி எலிசபெத், விவாகரத்து வாங்காமல் திருமணம் செய்ததாக காவல்நிலையத்தில் புகார் அளித்தார். இதையடுத்து வனிதா விஜயகுமார் - பீட்டர் பாலின் திருமணம் பற்றி சர்ச்சைகள் வெடித்தன.
அடுத்த சில மாதங்களிலேயே வனிதாவும் பீட்டர் பாலும் பிரிந்தனர். இந்த நிலையில் கடந்த சில மாதங்களாக உடல் நலக்குறைவால் பாதிக்கப்பட்டிருந்த பீட்டர் பால் மரணமடைந்ததாக தற்போது தகவல்கள் வெளியாகியுள்ளது.
பீட்டர் பாலின் மறைவுக்கு வனிதா இரங்கல் தெரிவித்துள்ளார். அவரது பதிவில், ''இதுவரை நீ சந்தித்து வந்த பிரச்னைகளிலிருந்து விலகி அமைதியை கண்டடைந்திருப்பாய் என நம்புகிறேன். எங்கே இருந்தாலும் மகிழ்ச்சியாக இரு'' என்று குறிப்பிட்டுள்ளார்.
இந்த நிலையில் சமீபத்தில் இன்ஸ்டாகிராமில் விளக்கம் ஒன்றை அளித்துள்ளார். அவரது பதிவில், இதற்கு ரியாக்ட் செய்யலாமா வேண்டாமா என பல சிந்தனைகள் இருந்தது. நான் பீட்டர் பாலை அதிகாரப்பூர்வமாக திருமணம் செய்துகொள்ளவில்லை, நாங்கள் கடந்த 2020 ஆம் ஆண்டு ரிலேசன்ஷிப்பில் இருந்தோம். அதே ஆண்டு எங்கள் ரிலேசன்ஷிப் முடிவுக்கு வந்தது. நான் அவரது மனைவியும் இல்லை. அவர் கணவரும் இல்லை.
எனக்கு கணவர் இல்லை. நான் சிங்கிள். அதனால் எனது கணவர் இறந்துவிட்டார் என செய்தியை பரப்பாதீர்கள். நான் மகிழ்ச்சியாக என் வாழ்க்கையை வாழ்ந்து கொண்டிருக்கிறேன். இது எனது தாழ்மையான கோரிக்கை என்று குறிப்பிட்டுள்ளார்.
