'வெந்து தணிந்தது காடு' நாயகியா இவர்? கலக்கும் கிளாமர் போட்டோஷூட்!
சிம்பு நடிப்பில், கௌதம் மேனன் இயக்கத்தில், ஏஆர் ரகுமான் அவர்களின் இசையில் உருவாகி வரும் திரைப்படம் ’வெந்து தணிந்தது காடு’. இந்த படத்தின் இரண்டு கட்ட படப்பிடிப்புகள் முடிவடைந்த நிலையில் அடுத்த கட்ட படப்பிடிப்புகள் திருச்செந்தூரில் விறுவிறுப்பாக நடைபெற்று வருகின்றன என்பது குறிப்பிடத்தக்கது.
இந்த படம் குறித்த ஸ்டில்கள் மற்றும் தகவல்கள் சிம்பு ரசிகர்களுக்கு பெரும் ஆச்சரியத்தை ஏற்படுத்தி உள்ளது என்பதும், இந்தப் படம் மிகப் பெரிய எதிர்பார்ப்பை ஏற்படுத்தியுள்ளது என்பதும் குறிப்பிடத்தக்கது. இந்த நிலையில் சிம்புவின் ’வெந்து தணிந்தது காடு’ திரைப்படத்தில் கன்னட நடிகை கயடு லோகர் என்பவர் நடிக்கவிருப்பதாக கூறப்பட்டது. இது குறித்த அதிகாரப்பூர்வ அறிவிப்பு வெளிவரவில்லை என்றாலும் அவர் படப்பிடிப்பில் கலந்து கொண்டு இருப்பதாகவும் செய்திகள் வெளியாகிக் கொண்டிருக்கின்றன.
இந்த நிலையில் நடிகை கயடு லோகரின் போட்டோ ஷூட் புகைப்படங்கள் இணையதளங்களில் வைரலாகி வருகிறது. கிளாமர் உடையில் கலக்கலாக இருக்கும் இந்த புகைப்படங்களை சிம்பு ரசிகர்கள் வைரலாக்கி வருகின்றனர் என்பது குறிப்பிடத்தக்கது. ஒரு மாடலாக தனது வாழ்க்கையை தொடங்கிய கயடு லோகர், கன்னட சினிமாக்களில் பிரபல நடிகையாக நடித்து வருகிறார் என்பதும் தற்போது அவர் தமிழ் சினிமாவிலும் அறிமுகமாகி உள்ளார் என்பதும் குறிப்பிடத்தக்கது.
