விஜய், சூர்யா, தனுஷ் ஆகியோரை தொடர்ந்து சூரியுடன் இணையும் இளம் சென்சேஷனல் நடிகை..? யார் தெரியுமா?
நகைச்சுவை நடிகர் என்பதை தாண்டி தற்போது மாஸ் ஹீரோவாக உருவெடுத்துள்ளார் சூரி. இவர் நடிப்பில் தற்போது பிரம்மாண்டமாக உருவாகி வரும் திரைப்படம் மண்டாடி. படகு போட்டியை மையப்படுத்தி இப்படத்தை இயக்கியுள்ளார் இயக்குநர் மதிமாறன் புகழேந்தி.
சூரி 7
இப்படத்தை தொடர்ந்து சூரி நடிப்பில் உருவாகவிருக்கும் அவருடைய 7வது திரைப்படத்தின் அறிவிப்பு சமீபத்தில் வெளிவந்தது. இப்படத்தை இயக்குநர் ரவிக்குமார் இயக்கவுள்ளார். இவர் இதற்கு முன் இன்று நேற்று நாளை மற்றும் அயலான் ஆகிய இரண்டு திரைப்படங்களை இயக்கியுள்ளார்.
ரவிக்குமார் - சூரி கூட்டணியில் உருவாகும் இப்படத்தின் அறிவிப்பு போஸ்டர் சமீபத்தில் வெளிவந்தது. 2015ஆம் ஆண்டு சென்னையில் ஏற்பட்ட வெள்ளத்தை நாம் அறிவோம். அதை மையப்படுத்திதான் இப்படத்தை எடுக்கவுள்ளார்களாம். அதை பரிதிபலிக்கும் வகையில்தான் இந்த அறிவிப்பு போஸ்டரும் அமைந்திருந்தது.
சென்சேஷனல் நடிகை
இந்த நிலையில், இப்படத்தில் சூரியுடன் இணைந்து நடிகை மமிதா பைஜூ நடிக்கப்போவதாக தகவல் வெளியாகியுள்ளது. ஆனால், இது எதுவும் உறுதியான தகவல் இல்லை. மமிதா பைஜூ நடிப்பில் அடுத்ததாக ஜனநாயகன், கர, விஸ்வநாத் & சன்ஸ், இரண்டு வானம் ஆகிய படங்கள் வெளிவரவுள்ளன என்பது குறிப்பிடத்தக்கது.
