'சமைரா' அல்லது 'சமராஜ்'.. பிறக்கப்போகும் சமந்தாவின் குழந்தைக்கு பெயர் பரிந்துரைத்த ரசிகர்.. சமந்தா கொடுத்த பதில்
நடிகை சமந்தாவிடம் ரசிகர் ஒருவர் பிறக்கப்போகும் குழந்தைக்கு என்ன பெயர் என கேள்வி கேட்டதற்கு, அவர் அளித்த பதில் இணையத்தில் வைரலாகி வருகிறது.
நடிகை சமந்தா
தென்னிந்திய சினிமாவில் உச்ச நட்சத்திரமாக விளங்கி, இன்று பான்-இந்தியன் ஸ்டாராக ரசிகர்களால் கொண்டாடப்பட்டு வருகிறார் சமந்தா. இவர் நடிப்பில் கடைசியாக வெளியான 'எங்கள் தங்கம்' திரைப்படம் ரசிகர்களிடையே அமோக வரவேற்பை பெற்று ரூ. 100 கோடி வசூல் செய்தது.
'எங்கள் தங்கம்' திரைப்படத்தின் வெற்றியை தொடர்ந்து தான் கர்ப்பமாக இருப்பதாக அறிவித்தார் சமந்தா. இதனால், சினிமாவிலிருந்து பிரேக் எடுத்துள்ளார். இருப்பினும் இன்ஸ்டாகிராம் மூலம் தனது சமீபத்திய புகைப்படங்களை பதிவிட்டு, ரசிகர்களுடன் இணைப்பில் இருந்து வருகிறார்.
தாய்மை பயணம்
அண்மையில் கூட, கர்ப்ப காலத்தில் இதுவரை 11 கிலோ உடல் எடை அதிகரித்துள்ளதாகவும், தாய்மை பயணம் தனக்கு புதிய தன்னம்பிக்கையையும் பலத்தையும் கொடுத்திருப்பதாகவும் சமந்தா நெகிழ்ச்சியாக தனது ரசிகர்களுடன் பகிர்ந்துகொண்டார்.
ரசிகரின் கேள்வி
இந்நிலையில், பிறக்கப்போகும் குழந்தைக்கு என்ன பெயர் வைக்கப்போகிறீர்கள் என இன்ஸ்டாகிராம் பக்கத்தில் சமந்தாவிடம் ரசிகர் ஒருவர் கேட்க, அதற்கு சமந்தா "குழந்தைக்கு பெயர் தேர்வு செய்வது நினைத்ததை விட மிகவும் கடினமாக உள்ளது; நல்ல பெயர்களை பரிந்துரையுங்கள்" என நகைச்சுவையாக பதிலளித்துள்ளார்.
சமைரா அல்லது சமராஜ்
இதையடுத்து மற்றொரு ரசிகர், "பெண் குழந்தையாக இருந்தால், 'சமைரா' (Samaira) அல்லது ஆண் குழந்தையாக இருந்தால் 'சமராஜ்' (Samaraj) என்று வைக்கலாமே? சாம் (Sam) மற்றும் ராஜ் (Raj) ஆகிய இரு பெயர்களுடன் சரியாக பொருந்தும் பெயர் இது" என பதிவிட்டார்.
இதற்கு பதிலளித்த நடிகை சமந்தா, " 'சமராஜ்' (Samraj) என்பது நம்மை பற்றியே அதிகம் பெருமை பேசிக்கொள்வது போல் இல்லையா?" என பதிவிட்டார். ரசிகரின் இந்த பதிவுக்கு சமந்தா பதிலளித்தது தற்போது இணையத்தில் வைரலாகி வருகிறது.
