இணையத்தில் பரவும் இளம் நடிகையின் ஆபாச வீடியோ! நடிகை கொடுத்த பரபரப்பு பதில்!
தெலுங்கு மற்றும் கன்னட சினிமாவில் முன்னணி நடிகையாக வலம் வரும் ஸ்ரீலீலா, சமீபகாலமாக AI (செயற்கை நுண்ணறிவு) தொழில்நுட்பத்தை தவறாகப் பயன்படுத்தி உருவாக்கப்படும் போலி புகைப்படங்கள் மற்றும் உள்ளடக்கங்களால் பாதிக்கப்பட்டுள்ளார்.
இணையத்தில் அவரது முகத்தைப் பயன்படுத்தி ஆடைகள் இல்லாத அல்லது ஆபாசமான காட்சிகளை உருவாக்கி பரப்பும் போலி உள்ளடக்கங்கள் வைரலாகி வருவதாக தகவல்கள் வெளியாகியுள்ளன.
இந்த போலி உள்ளடக்கங்கள் AI தொழில்நுட்பத்தின் மூலம் மிகவும் தத்ரூபமாக உருவாக்கப்பட்டுள்ளதால், உண்மையா அல்லது போலியா என கண்டுபிடிப்பது கடினமாக உள்ளது.
சமீபத்தில் AI தொழில்நுட்பம் வேகமாக முன்னேறியுள்ளதால், இதுபோன்ற தவறான பயன்பாடுகள் அதிகரித்து வருகின்றன. கிராபிக்ஸ் நிபுணர்களே இதை உண்மையானதா அல்லது AI உருவாக்கியதா என திணறும் அளவுக்கு தொழில்நுட்பம் வளர்ச்சி அடைந்துள்ளது.
இந்நிலையில், நடிகை ஸ்ரீலீலா தனது சமூக வலைதள பக்கத்தில் இது குறித்து அதிர்ச்சியும் கவலையும் தெரிவித்துள்ளார். "எனது முகத்தைப் பயன்படுத்தி இணையத்தில் பரப்பப்படும் போலி உள்ளடக்கங்களைப் பார்த்து எனக்கு மிகுந்த அதிர்ச்சியாக உள்ளது.
தொழில்நுட்பம் மனிதர்களின் வாழ்க்கையை எளிதாக்க வேண்டுமே தவிர, கடினமாக்கக் கூடாது. ஆனால் இந்த AI தொழில்நுட்பம் பெண்கள் மற்றும் நடிகைகளின் வாழ்க்கையை கடினமாக்கி வருகிறது" என்று கூறியுள்ளார். மேலும், "தயவுசெய்து இந்த தொழில்நுட்பத்தை ஆக்கபூர்வமாக பயன்படுத்துங்கள்.
பெண்கள் மற்றும் சினிமா கலைஞர்களுக்கு பாதுகாப்பான சூழலை உறுதி செய்ய வேண்டும். இது அனைவரின் கடமை" என்று வலியுறுத்தியுள்ளார். AI உருவாக்கிய இதுபோன்ற 'நான்சென்ஸ்' உள்ளடக்கங்களை சமூக வலைதள பயனர்கள் ஆதரிக்க வேண்டாம் என்றும் கேட்டுக்கொண்டுள்ளார்.
இதுபோன்ற AI தவறான பயன்பாடுகள் பல பிரபலங்களை பாதித்து வரும் நிலையில், ஸ்ரீலீலாவின் கருத்து பெரும் கவனத்தை ஈர்த்துள்ளது. தொழில்நுட்பத்தை பொறுப்புடன் பயன்படுத்த வேண்டும் என்பதை அவரது பதிவு வலியுறுத்துகிறது.
