படம் எப்படிலேட்டஸ்ட்

ஃபென்டாஸ்டிக் பீஸ்ட்ஸ்: கிரின்டல்வால்டின் குற்றங்கள் விமர்சனம்

ஃபென்டாஸ்டிக் பீஸ்ட்ஸ் முதல் பாகத்தின் இறுதியில் அமெரிக்காவின் மந்திர சக்திகளின் குழுவால் வில்லனான ஜானி டெப் (கிரின்டல்வால்ட்) நியூயார்க்கில் கைது செய்யப்பட்டு சிறையில் அடைக்கப்டுகிறார். அதன் தொடர்ச்சியாக உருவாகி இருக்கும் இந்த படத்தில் ஐரோப்பாவில் செய்த குற்றங்களுக்காக ஜானி டெப்பை லண்டன் சிறைக்கு மாற்றுகின்றனர்.
அப்போது தனது மந்திர சக்தியை பயன்படுத்தி தப்பிக்கும் ஜானி டெப், கடைசி பாகத்தில் இறந்துவிட்டதாக நினைக்கப்பட்ட எஸ்ரா மில்லரை (கிரெடென்ஸ்) தேடுகிறார். இதற்கிடையே வெளிநாடுகளுக்கு செல்வதற்கான தனது தடையை நீக்கக் கோரி நாயகன் எட்டி ரெட்மயின் (ஸ்கேமண்டர்) நியூயார்க்கில் உள்ள மந்திர சக்திகளின் குழுவிடம் கோருகிறார்.




அப்போது ஜானி டெப் தப்பித்ததும், அவர் எஸ்ரா மில்லரை தேடி அவனை பயன்படுத்திக்க நினைப்பதும் எட்டிக்கு தெரிய வருகிறது. கடைசியில், ஜானி டெப் எஸ்ராவை கண்டுபிடித்தாரா? தனது குடும்பத்தை தேடி செல்லும் எஸ்ராவின் நிலை என்ன ஆனது? எட்டி காப்பாற்றினாரா? அதன் பின்னணியில் என்ன நடந்தது? என்பது படத்தின் மீதிக்கதை.
ஜானி டெப் அமைதியான வில்லனாக மிரட்டியிருக்கிறார். எட்டி ரெட்மயின், ஜூட் லா, கேத்தரின் வாட்டர்சன், சியோ கிராவிட்ஸ், எஸ்ரா மில்லர் என அனைத்து கதாபாத்திரங்களும் சிறப்பாக நடித்திருக்கிறார்கள். கடைசி பாகத்தில் நடித்த பலரும் இந்த பாகத்திலும் தொடர்கின்றனர். டேன் போஜ்லர் வழக்கமான தனது காமெடியால் ரசிக்க வைத்திருக்கிறார்.




முழுக்க முழுக்க மந்திரி சக்திகளை மையப்படுத்தி ஸ்வாரஸ்யமான குழப்பத்துடனான திரைக்கதையில் படத்தை உருவாக்கி இருக்கிறார் டேவிட் ஏட்ஸ். கிராபிக்ஸில் வரும் மிருகங்கள், மாய சக்திகள் என வண்ணமயமாக காட்சிப்படுத்தியுள்ளனர்.
ஜேம்ஸ் நியூட்டன் ஹோவார்டின் பின்னணி இசை படத்திற்கு பலம் சேர்த்திருக்கிறது. பிலிப் ரோஸ்லாட்டின் ஒளிப்பதிவு சிறப்பு.




மொத்தத்தில் `ஃபென்டாஸ்டிக் பீஸ்ட்ஸ்: கிரின்டல்வால்டின் குற்றங்கள்’ ரசிக்கலாம். #FantasticBeastsTheCrimesofGrindelwaldReview #EddieRedmayne #JohnnyDepp

Related Articles

Close